Haradinaj thotë se Qeveria e re do të formohet në afat rekord (Video)
Lajme — June 20, 2017 at 2:09 am

Haradinaj thotë se Qeveria e re do të formohet në afat rekord (Video)

Shumë i sigurt se i ka votat e mjaftueshme për ta bërë Qeverinë është shprehur të hënën lideri i AAK’së, që është i nominuar për kryeministër nga PDK-AAK-Nisma.
Ramush Haradinaj ka paralajmëruar se Qeveria e re do të formohet në afat rekord, pas certifikimit të rezultateve nga KQZ’ja.

Në një intervistë për KTV’në, Haradinaj ka thënë se nuk kanë telashe me numra për ta bërë Qeverinë e re, por se janë në diskutime me deputetë të zgjedhur të Kuvendit, në mënyrë që Qeveria e ardhshme të jetë më e fuqishme.

Qeverinë e kemi. Pra votat sa për me formu Qeverinë i kemi. Ajo çka është interesimi ynë është po e quajmë një përkrahje më e gjerë në Qeveri sepse vërtetë në Kosovë duhet fillu menjëherë me punë konkrete”, tha Haradinaj.