Lajm i mirë për mësimdhënësit, do të ju rriten pagat
Lajme — May 4, 2017 at 11:16 pm

Lajm i mirë për mësimdhënësit, do të ju rriten pagat

SBASHK-u përmes një komunikate për media të enjten ka përshëndetur paralajmërimin e Qeverisë së Kosovës për ngritjen e pagave në sektorin e arsimit dhe në sektorët tjerë, duke apeluar që kjo gjë të ndodhë shumë shpejt.

Kërkesën për ngritje pagash kryetari i SBASHK-ut, Rrahman Jasharaj e kishte shtruar edhe në takimin e delegacionit të BSPK-së me kryeministrin Isa Mustafa dhe ministrat Avdullah Hoti e Arban Abrashi, më 12 prill 2017, për të marrë përgjigjen se ka angazhime të Qeverisë për të realizuar një ngritje pagash bazuar në ngritjen ekonomike, thuhet në komunikatë.

SBASHK-u thekson se në vazhdimësi, krahas angazhimeve për realizimin e kërkesave që dalin nga Kontrata Kolektive, ka shtruar edhe çështjen e nevojës për ngritje pagash, së paku sipas ngritjes ekonomike, ashtu siç ka premtuar kryeministri Mustafa dhe kabineti i tij./KOHA